Бидний тухай

Мэндчилгээ

“Бласт” ХХК-ийн цахим хуудсанд зочилж, бидний үйл ажиллагаатай танилцаж буй танд талархал илэрхийлье. Тус компани нь 2001 онд үүсгэн байгуулагдсан цагаасаа эхлэн тэсэлгээний ажил үйлчилгээ, тэсрэх бодисын үйлдвэрлэл, тэсрэх материалын импорт худалдаа, хадгалалт, тээвэрлэлтийн чиглэлээр тогтмол үйл ажиллагаа явуулсаар ирсэн.

Бид Монгол улсад анх удаа олгойлон савалсан, усанд тэсвэртэй эмульсийн тэсрэх бодисын үйлдвэрийг 2008 онд ашиглалтанд оруулснаас хойш төрөл бүрийн технологи бүхий эмульсийн тэсрэх бодисын нийт таван үйлдвэрийг барьж байгуулан ашиглалтанд оруулж импортыг орлох бүтээгдэхүүнээр уурхай үйлдвэрийн газруудыг найдвартай хангаж байна. Монгол орны эрс тэс уур амьсгал, уул геологийн нөхцөлд тохирсон найрлага, шинж чанартай тэсрэх бодис үйлдвэрлэлийн технологийг нутагшуулсан, анхны тэсрэх материалын туршилт судалгааны итгэмжлэгдсэн лаборатори, олон улсын жишигт нийцсэн тэсэлгээний ажил үйлчилгээ, туршлагатай, чадварлаг үндэсний боловсон хүчин гээд бид салбартаа үргэлж манлайлагч, анхдагч байсаар ирсэн. Цаашид ч хамгийн орчин үеийн техник технологи, шилдэг үйлчилгээг үйл ажиллагаандаа нэвтрүүлэн ажиллах болно. Ингээд үе үеийн бүх хэрэглэгч, харилцагчиддаа хамгийн сайн сайхан бүхнийг хүсч мэндчилье.

Гүнээ хүндэтгэсэн, гүйцэтгэх захирал:
Амарзаяагийн ТЭМҮҮЛИН

Бласт ХХК нь 2001 онд үүсгэн байгуулагдсан, тэсэлгээний салбарт Монгол улсдаа анхдагчдын нэг, үндэсний үйлдвэрлэгч, үйлдвэрлэл, худалдаа, үйлчилгээний компани юм.

Манай хамт олон хэрэглэгчдийнхээ хэрэгцээ шаардлагыг хангасан, олон улсын жишигт нийцсэн бүтээгдэхүүн, үйлчилгээг чанарын өндөр түвшинд, найдвартай, шуурхай хүргэн ажилладаг.

Бид 2011 онд олон улсын чанарын удирдлагын тогтолцооны ISO 9001:2008, MNS ISO 9001:2010 стандартыг байгууллагын үйл ажиллагаандаа нэвтрүүлж, 2018 оноос чанарын менежментийн тогтолцооны ISO 9001:2015, MNS ISO 9001:2016 стандартад шилжин, мөрдөн ажиллаж байна.

Бид байгууллагын үйл ажиллагаанд дараах стандартуудыг нэвтрүүлэхээр ажиллаж байна.

Хөдөлмөрийн аюулгүй байдал, эрүүл мэндийн менежментийн тогтолцоо MNS ISO 45001:2018
Байгаль орчны менежментийн тогтолцоо MNS ISO 14001:2016

Чанарын бодлого

Бласт компанийн чанарын бодлого нь хүний эрүүл мэнд, хүрээлэн буй орчинд сөрөг нөлөөгүй үйлдвэрлэл, үйлчилгээг холбогдох хууль тогтоомжийн хүрээнд явуулж, олон улсын жишигт нийцсэн бүтээгдэхүүн үйлчилгээгээр хэрэглэгчдийг найдвартай хангахад оршино. Эрсдэлийн удирдлагыг хэрэгжүүлэн, үйлдвэрлэл үйлчилгээний технологийн горим, хөдөлмөрийн эрүүл ахуй, аюулгүй ажиллагааг мөрдөж, чанарын менежментийн тогтолцоо, ажлын үйл явц, зохион байгуулалт, техник технологи, ажилтны хариуцлага, мэдлэг чадварыг тасралтгүй сайжруулан ажиллана.

Үйл ажиллагаа

Тэсрэх бодисын үйлдвэрлэл

Бид уул уурхайн салбарын хурдацтай хөгжилтэй уялдуулан тоног төхөөрөмж, технологийн шинэчлэл хийж, үйлдвэрлэлийн хүчин чадлыг нэмэгдүүлэн, хэрэглэгчийн хэрэгцээ шаардлагыг хангасан чанартай бүтээгдэхүүнийг үйлдвэрлэж байна.

Дэлгэрэнгүй

Тэсэлгээний ажил үйлчилгээ

Бласт ХХК нь 2003 оноос тэсэлгээний ажил үйлчилгээг үзүүлж эхэлснээс хойш ил, далд уурхай болон бусад төрлийн тэсэлгээний ажлуудыг дэвшилтэт техник технологи, ашиглан холбогдох хууль, журмын дагуу аюулгүй хийж гүйцэтгэж байна.

Дэлгэрэнгүй

Тэсрэх бодисын сорилт, судалгаа

Тэсрэх бодисын сорилт судалгааны төв лаборатори нь 2008 онд анх байгуулагдан өөрийн үйлдвэрлэсэн бүтээгдэхүүн, түүний найрлагад ордог химийн бодист судалгаа шинжилгээ хийж эхэлсэн бөгөөд 2013 оноос хойш сорилт болон шалгалт тохируулгын лабораторийн ерөнхий шаардлага MNS ISO/IEC 17025:2018 стандартыг хангаж, үйл ажиллагааны хүрээг нэмэгдүүлэн, дараах чиглэлийн дагуу үйлчилгээг үзүүлж байна.

Дэлгэрэнгүй

Тэсрэх материалын импорт, худалдаа

Манай компани олон улсын чанарын шаардлага хангасан, Монгол улсын эрс тэс уур амьсгал, тухайн ордын уул геологийн нөхцөлд тохирсон тэсрэх материалыг, тусгай зөвшөөрөлтэй аж ахуйн нэгжүүдэд тогтмол нийлүүлэн ажиллаж байна.

Дэлгэрэнгүй

Тэсрэх бодисын үйлдвэр, агуулахын зураг төсөл боловсруулах, барьж байгуулах

Бласт ХХК-ийн тусгай зөвшөөрөл бүхий техникийн төсөл боловсруулах мэргэжлийн баг нь тэсрэх бодисын үйлдвэр болон агуулахын зураг төсөл, ТЭЗҮ боловсруулах, тооцоолол хийх, барьж байгуулах ажлын туршлагатай. Өнгөрсөн хугацаанд энгийн болон эмульсийн тэсрэх бодисын 8-н үйлдвэр, олон тооны тэсрэх материалын агуулахыг барьж улсын комисст хүлээлгэн өгсөн.

Дэлгэрэнгүй

Тэсрэх материал, химийн бодисын тээвэрлэлт

Аюултай ачаа, химийн бодисын тээвэрлэлтийг “Бласт” ХХК-ийн охин компани болох “Бласт Автомотив”ХХК хариуцан ажилладаг.

Дэлгэрэнгүй

Салбарууд

Бласт ХХК нь 2008 онд нийслэлийн Налайх дүүргийн 3-р хорооны нутаг дэвсгэрт Монгол Улсад анхны савалгаатай эмульсийн тэсрэх бодисын үйлдвэр, агуулахын цогцолборыг байгуулсан ба тус дүүрэгт тогтмол 40 гаруй ажлын байрыг бий болгон импортыг орлох бүтээгдэхүүн үйлдвэрлэж уурхай, үйлдвэрийн газруудад нийлүүлэн ажиллаж байна. Ус, дулаан, цахилгаан хангамжийн дэд бүтэцтэй. 240тн багтаамжтай тэсрэх материалын агуулахтай тус үйлдвэр нь жилд дунджаар:

7000тн савалгаат эмульсийн тэсрэх бодис
5000тн энгийн тэсрэх бодис
1000тн чичирхийллийн тэсрэх бодис үйлдвэрлэх хүчин чадалтай

Өмнөговь аймгийн Гурвантэс сумын нутагт байрлах Нарийн сухайтын үйлдвэр агуулахын цогцолборыг 2009 онд ашиглалтанд оруулсан.

Үйл ажиллагааны чиглэл:

Задгай эмульсийн тэсрэх бодис болон энгийн тэсрэх бодис үйлдвэрлэх
Тэсэлгээний ажил үйлчилгээ үзүүлэх
Тэсрэх материалыг хадгалах

Үйлдвэрийн хүчин чадал:

АНУ-н технологи бүхий задгай эмульсийн тэсрэх бодисийн үйлдвэр өдөрт 240тн үйлдвэрлэх хүчин чадалтай.
100тн-ын багтаамжтай тэсрэх материалын агуулахтай.

Өмнөговь аймгийн Цогтцэций сумын нутагт байрлах үйлдвэр, агуулахын цогцолборыг 2011 онд ашиглалтанд оруулсан ба ус, дулаан, цахилгаан хангамжийн дэд бүтэцтэй.

Үйл ажиллагааны чиглэл:

Задгай эмульсийн тэсрэх бодис болон энгийн тэсрэх бодис үйлдвэрлэх
Тэсэлгээний ажил үйлчилгээ үзүүлэх
Тэсрэх материалын хадгалалт

Хоногт 120тн задгай эмульсийн тэсрэх бодис үйлдвэрлэх хүчин чадалтай. 160тн багтаамжтай тэсрэх материалын агуулахтай.

Бласт ХХК нь 2002 онд Говьсүмбэр аймгийн Шивээговь сумын нутагт жилд 5000 тонн энгийн тэсрэх бодис үйлдвэрлэх хүчин чадал бүхий үйлдвэр, агуулахын цогцолборыг байгуулсан. 2012 оны 9-н сард технологийн шинэчлэл хийх зорилгоор Америк технологитой үйлдвэр болгон өргөтгөснөөр хүчитгэсэн энгийн тэсрэх бодис үйлдвэрлэх боломжтой болсон.

Үйл ажиллагааны чиглэл:

Энгийн тэсрэх бодис болон хүчитгэсэн энгийн тэсрэх бодис үйлдвэрлэх
Тэсэлгээний ажил үйлчилгээ үзүүлэх
Тэсрэх материалын хадгалалт

Налайх салбар

Шивээ-Овоо салбар

Таван толгой салбар

Нарийн сухайт салбар

ШАГНАЛ ӨРГӨМЖЛӨЛ

2007 он

2008 он

2009 он

2010 он

2011 он

2012 он

2013 он

2014 он

2017 он

2018 он

2019 он

Хан-Уул дүүргийн “Найдвартай татвар төлөгч”

ТОР-100 аж ахуйн нэгжийн 50-р байр

Хан-Уул дүүргийн “Найдвартай татвар төлөгч”

ТОР-100 аж ахуйн нэгжийн 69-р байр

ТОР-150 аж ахуйн нэгжийн 41-р байр

Монголын Татварын албаны дээд шагнал “Хөх дэвтэр” шагналуудыг хүртлээ.

ТОР-150 аж ахуйн нэгжийн 45-р байр

ТОР-150 аж ахуйн нэгжийн 50-р байр

ТОР-150 аж ахуйн нэгжийн 86-р байр

ТОР-100 аж ахуйн нэгжийн 89-р байр

ТОР-100 аж ахуйн нэгжийн 85-р байр

ТОР-100 аж ахуйн нэгжийн 100-р байр

Түүхэн замнал

2001 он

2002 он

2003 он

2004 он

2006 он

2007 он

2008 он

2009 он

2010 он

2011 он

2012 он

2013 он

2014 он

2015 он

2016 он

2018 он

2001 он

“Бласт” ХХК үүсгэн байгуулагдаж, тэсрэх материал болон түүхий эд үйлдвэрлэгч гадны байгууллагуудтай гэрээ хэлцэл байгуулж хамтран ажиллаж эхэлсэн.

2002 он

Шивээ- Овоогийн нүүрсний уурхайн дэргэд энгийн тэсрэх бодисын үйлдвэр барьж байгуулан, тус уурхайг энгийн тэсрэх бодисоор хангаж эхэлсэн.

2003 он

“Бороо Гоулд”ХХК-ийн Их даширын алтны үндсэн ордод тэсэлгээний ажил үйлчилгээг анх удаа хийж эхэлсэн ба уг төслийг дуустал тэсэлгээний ажил үйлчилгээг чанартай гүйцэтгэж ирсэн.

2004 он

“Бороо Гоулд” ХХК-ийн уурхайн дэргэд тэсрэх материалын агуулах барьж байгуулсан. Мөн Сүхбаатар аймаг “Цайрт Минерал” ХХК-ийн тэсэлгээний ажлыг анх эхлүүлж, тэсрэх материалаар одоог хүртэл хангаж ирлээ.

2006 он

“Жи Энд Юу Гоулд” ХХК-ийн алтны шороон орд, Шивээ Овоогийн нүүрсний уурхайн тэсэлгээний ажлыг хийж эхлэв.

Монголд анх удаа хайгуулын зориулалттай чичирхийллийн тэсрэх материалыг импортлон газрын тосны хайгуулын компаниудад нийлүүлсэн ба харуул хамгаалалт бүхий тусгай зориулалтын тээврийн хэрэгслээр тэсрэх материал тээвэрлэн хэрэглэгчдэд хүргэх үйлчилгээг үзүүлж эхэлсэн.

2007 он

Тамсагийн нефтийн сав газар дахь “Дачин Тамсаг Монгол” ХХК-ийн чичирхийллийн тэсэлгээний ажил болон "Мянганы зам" төслийн хүрээнд замын тэсэлгээний ажлуудыг хийж гүйцэтгэж эхэлсэн.

2008 он

Нийслэлийн Налайх дүүрэгт Монгол улсад анхны савалгаат эмульсийн тэсрэх бодисын үйлдвэрийг ашиглалтанд оруулж

, аж ахуйн нэгжүүдийг дотооддоо үйлдвэрлэсэн усанд тэсвэртэй тэсрэх бодисоор өнөөг хүртэл найдвартай хангаж ирлээ.

...

2009 он

Өмнөговь аймгийн Гурвантэс сум, Нарийн сухайтын нүүрсний орд газарт тэсрэх материалын агуулахыг барьж байгуулан

“Монголын Алт МАК” ХХК болон “Чинхуа Мак Нарийн Сухайт” ХХК-д тэсрэх материал нийлүүлж, задгай эмульсийн тэсрэх бодисын үйлдвэр барих ажлыг эхлүүлсэн.

...

2010 он

Нарийн сухайтын нүүрсний орд газарт задгай эмульсийн тэсрэх бодисын үйлдвэрийг ашиглалтанд оруулж “Монголын Алт МАК” ХХК-ийн тэсэлгээний ажлыг гүйцэтгэх болсон.

Говь-Алтай аймгийн Цээл сум, “Алтайн Хүдэр” ХХК-ийн төмрийн хүдрийн уурхайг тэсрэх материалаар хангаж эхэлсэн.

2011 он

“Чинхуа Мак Нарийн Сухайт” ХХК, "Саус Гоби Сэндс" ХХК-ийн нүүрсний уурхайн тэсэлгээний ажлыг гүйцэтгэж эхэлсэн.

Өмнөговь аймгийн Цогтцэций суманд байрлах таван толгойн нүүрсний орд газарт Задгай эмульсийн тэсрэх бодисын үйлдвэр, агуулахын цогцолборыг ашиглалтанд оруулж “Эрдэнэс Таван Толгой” ХК-ийн нүүрсний уурхайд тэсэлгээний ажил үйлчилгээ үзүүлж эхлэв.

ISO9001:2008 олон улсын стандартыг үйл ажиллагаандаа нэвтрүүлэн мөрдлөг болгон ажиллаж байна.

2012 он

"Хүннү Коал" ХХК-ийн Цант-уулын нүүрсний уурхайн дэргэд агуулах барьж ашиглалтанд өгч тус уурхайн тэсэлгээний ажлыг гүйцэтгэж эхлэв.

Говь-Алтай аймгийн Цээл суманд Таян нуурийн төмрийн хүдрийн уурхайг түшиглэн задгай эмульсийн тэсрэх бодисын үйлдвэр, агуулахын цогцолбор барьж ашиглалтанд оруулав.

2013 он

Бласт ХХК нь ISO\IEC 17025:2005 стандартын шаардлага хангасан Тэсрэх бодисын сорилт, судалгааны төв лабораторийг байгуулав.

Тус компанийн Улаанбаатар хот, Налайх дүүрэг болон Говьсүмбэр аймаг, Шивээ-Говь суманд байрлах АНФО-ны үйлдвэрүүдэд АНУ-н Т-1 автомат тоног төхөөрөмжийг суурилуулан шинэчлэлт хийв.

2014 он

Сэлэнгэ аймгийн Ерөө суманд байрлах Баян нуурын төмрийн хүдрийн уурхайд задгай эмульсийн тэсрэх бодисын үйлдвэр, агуулахын цогцолбор барьж байгуулан хүлээлгэн өгөв.

2015 он

Сэлэнгэ аймгийн Ерөө суманд байрлах Баян нуурын төмрийн хүдрийн уурхайд задгай эмульсийн тэсрэх бодисын үйлдвэрт тулгуурлан

АНУ-ын В-1 тоног төхөөрөмжийг суурьлуулж Хүнд Анфо-ны үйлдвэр ашиглалтанд оруулан хүлээлгэж өгөв.
Өмнөговь аймгийн Ноён суманд байрлах Баруун ноён уулын нүүрсний уурхай, Дорноговь аймгийн Даланжаргалан суманд байрлах Хөх цавын шохойн чулууны уурхайн тэсэлгээний ажлыг тус тус хийж эхлэв.

...

2016 он

Завхан аймгийн Дөрвөлжин сумын нутагт байрлах Баян айргийн уурхайн тэсэлгээний ажлыг эхлүүлэв.

2018 он

Өмнөговь аймгийн Гурвантэс сумын нутагт байрлах тэсрэх бодисийн үйлдвэр, агуулахыг түшиглэн ус, дулаан, цахилгаан хангамжийн

дэд бүтэц бүхий ажилчдын хотхоныг ашиглалтанд оруулж улсын комисст хүлээлгэн өглөө.
Тус салбарын тэсрэх бодисын үйлдвэрийн хүчин чадлыг 2 дахин нэмэгдүүлж АНУ-ын технологи бүхий үйлдвэрийг барьж улсын комисст хүлээлгэн өгөв. Ингэснээр уг үйлдвэр өдөрт 240тн тэсрэх бодис үйлдвэрлэх хүчин чадалтай боллоо.

...