Мэндчилгээ
“Бласт” ХХК-ийн цахим хуудсанд зочилж, бидний үйл ажиллагаатай танилцаж буй танд талархал илэрхийлье. Тус компани нь 2001 онд үүсгэн байгуулагдсан цагаасаа эхлэн тэсэлгээний ажил үйлчилгээ, тэсрэх бодисын үйлдвэрлэл, тэсрэх материалын импорт худалдаа, хадгалалт, тээвэрлэлтийн чиглэлээр тогтмол үйл ажиллагаа явуулсаар ирсэн.
Бид Монгол улсад анх удаа олгойлон савалсан, усанд тэсвэртэй эмульсийн тэсрэх бодисын үйлдвэрийг 2008 онд ашиглалтанд оруулснаас хойш төрөл бүрийн технологи бүхий эмульсийн тэсрэх бодисын нийт таван үйлдвэрийг барьж байгуулан ашиглалтанд оруулж импортыг орлох бүтээгдэхүүнээр уурхай үйлдвэрийн газруудыг найдвартай хангаж байна. Монгол орны эрс тэс уур амьсгал, уул геологийн нөхцөлд тохирсон найрлага, шинж чанартай тэсрэх бодис үйлдвэрлэлийн технологийг нутагшуулсан, анхны тэсрэх материалын туршилт судалгааны итгэмжлэгдсэн лаборатори, олон улсын жишигт нийцсэн тэсэлгээний ажил үйлчилгээ, туршлагатай, чадварлаг үндэсний боловсон хүчин гээд бид салбартаа үргэлж манлайлагч, анхдагч байсаар ирсэн. Цаашид ч хамгийн орчин үеийн техник технологи, шилдэг үйлчилгээг үйл ажиллагаандаа нэвтрүүлэн ажиллах болно. Ингээд үе үеийн бүх хэрэглэгч, харилцагчиддаа хамгийн сайн сайхан бүхнийг хүсч мэндчилье.
Гүнээ хүндэтгэсэн, гүйцэтгэх захирал:
Амарзаяагийн ТЭМҮҮЛИН
Бидний тухай
Бласт ХХК нь 2001 онд үүсгэн байгуулагдсан, тэсэлгээний салбарт Монгол улсдаа анхдагчдын нэг, үндэсний үйлдвэрлэгч, үйлдвэрлэл, худалдаа, үйлчилгээний
компани юм.
Манай хамт олон хэрэглэгчдийнхээ хэрэгцээ шаардлагыг хангасан, олон улсын жишигт нийцсэн бүтээгдэхүүн, үйлчилгээг чанарын өндөр түвшинд, найдвартай, шуурхай хүргэн ажиллахыг эрхэмлэдэг.
Чанарын бодлого
Чанарын бодлого Бласт компани нь хүний эрүүл мэнд, хүрээлэн буй орчинд сөрөг нөлөөгүй үйлдвэрлэл, үйлчилгээг холбогдох хууль, тогтоомж, стандартын шаардлагын хүрээнд явуулж, олон улсын жишигт нийцсэн бүтээгдэхүүн, үйлчилгээгээр хэрэглэгчдийг найдвартай хангахад оршино. Эрсдэлийн удирдлагыг хэрэгжүүлэн, үйлдвэрлэл үйлчилгээний технологийн горим, хөдөлмөрийн аюулгүй ажиллагаа, эрүүл ахуйг мөрдөж ISO 9001:2015 Чанарын удирдлагын тогтолцооны хэрэгжилтийг тасралтгүй сайжруулан ажиллана. Хөдөлмөрийн аюулгүй байдал эрүүл ахуйн бодлого Бласт компани нь бүхий л үйлдвэрлэл, үйл ажиллагаанд Монгол улсын хууль, дүрэм, журам, стандартыг мөрдөж нийт сонирхогч талуудын хөдөлмөрийн аюулгүй байдал, эрүүл мэндийг хамгаалахыг зорилгоо болгон ІЅО 45001:2018 Хөдөлмөрийн эрүүл мэнд, аюулгүй байдлын удирдлагын тогтолцооны хэрэгжилтийг тасралтгүй сайжруулан ажиллана. Байгаль орчны бодлого Бласт компани нь хүний эрүүл мэнд, хүрээлэн буй орчинд сөрөг нөлөөгүй үйлдвэрлэл, үйлчилгээг холбогдох хууль, тогтоомж, дүрэм журам, стандартын хүрээнд явуулж, байгаль орчинд үзүүлж болзошгүй сөрөг нөлөөллөөс урьдчилан сэргийлж, нөлөөллийг бууруулах замаар байгаль орчныг хамгаалах бодлогын хүрээнд ISO 14001:2015 Байгаль орчны удирдлагын тогтолцооны хэрэгжилтийг тасралтгүй сайжруулан ажиллана.
Үйл ажиллагаа
Салбарууд
Бласт ХХК нь 2008 онд нийслэлийн Налайх дүүргийн 3-р хорооны нутаг дэвсгэрт Монгол Улсад анхны савалгаатай эмульсийн тэсрэх бодисын үйлдвэр, агуулахын цогцолборыг байгуулсан ба тус дүүрэгт тогтмол 40 гаруй ажлын байрыг бий болгон импортыг орлох бүтээгдэхүүн үйлдвэрлэж уурхай, үйлдвэрийн газруудад нийлүүлэн ажиллаж байна. Ус, дулаан, цахилгаан хангамжийн дэд бүтэцтэй. 240тн багтаамжтай тэсрэх материалын агуулахтай тус үйлдвэр нь жилд дунджаар:
- 7000тн савалгаат эмульсийн тэсрэх бодис
- 5000тн энгийн тэсрэх бодис
- 1000тн чичирхийллийн тэсрэх бодис үйлдвэрлэх хүчин чадалтай
ГИШҮҮН БАЙГУУЛЛАГУУД
ХАРИЛЦАГЧ БАЙГУУЛЛАГУУД
